سەدر پێشنیار دروسکردن دەسەی سێیانییگ کەێد ئەرا لێکۆڵینەوە لە پەلامارکردن شاندە دبلۆماسیەگان لە عراق
2020-09-25T11:46:34+00:00
شەفەق نیوز/ موقتەدا سەدر، ئمڕوو جمعە، پێشنیار دروسکردن دەسەی سێیانییگ کرد، لە شیوەی ئەمنی و سەربازی پەرلەمانی ئەرا لێکۆڵینەوە لە پەلامارکردن شاندە دبلۆماسیەگان وفەرمانگەیل ودامەزراوەیل دەوڵەت.
سەدر لە بەیاننامەیگ ئمڕوو بڵاویکرد لەبان ماڵپەڕ تویتەر وت: لەوەر مەترسی رەوشە ئەمنیەگان ک مەترسی لەبان ئیسە وئایندەی وڵاتەگە دیرێد، ولە پێشێلکاریە ئەمنیەگان ک هەڕەشەی سەروەری دەوڵەت عراقی دەێد، ومەترسی راستەخۆ لەبان ژیان وچارەنووس گەلە ئازیزەگەمان دیرێد، ئەراوە نووڕیمن ک لە بەرژەوەنی رکدارە دەسەیک وەشیوەی ئەمنی و سەربازی وپەرلەمانی دروس بکریەێد، ئەرا لێکۆڵینەوە لە پێشیلکاریە ئەمنیەگان لەبان شاندە دبلۆماسیەگان وبارەگا فەرمیەگان دەوڵەت، ک زیان وەناو عراق دەێد لە بۆنە ناودەوڵەتیەلمان.
وجەختکرد ک بایەدە ئەنجامەیل لێکۆڵینەوەگان ئەرا رای گشتی ئاشکرا بکریەێد، ولە ژیر وەخت دیارییگ تا ریکارە یاساییەگان و ح
جیوەجیکردنەگان بووریەێەن وتیش: ئەگەر ئەوە وەجیناوریا، حکومەتەکە بوودە خاوەن کەموکوڕی لە کارەیلی ئەرا هاوردنەوەی سەروەری و چەسپانن ئەمن.
