سەگیگ بیخاوەن ئاشکرای دزیکردن ماشینیگ کەێد
2023-09-16T09:22:10+00:00
شەفەق نیوز/ سەرچەوەیگ ئەمنی لە دیالە، ئمڕوو شەممە، ئاشکرای دەسگیرکردن دز ماشینیگ کرد، وەشیوەی دەگمەنیگ لە دەورگرد قەزای خاڵس.
سەرچەوەگە ئەرا ئاژانس شەفەق نیوز وت: ماشنیگ لە چواڕیان موستەفا جەواد لەبان ری ناوەین بەعقووبە و بەغداد و کەرکوک وسیا ئەرا چشت سەنین لە دوکانیگ، و کابرایگ سوار ماشینەگە بوی و وەرەو کەرکوک رانیەی.
سەرچەوەگە وتیش؛ لەو مەوقە سەگیگ وەرەلا لەناو جادەگە رەد بویە، و کەفتیەسە نوای ماشینەگە و دزەگە لەپڕک چیە، و ماشینەگە وەپی پلیا.
وتیش؛ لەو وەختە ماشین پولیس کە کەفتیەسە شوین دزەگە، وەکوتپڕ لەبان سەری بویە، و دزەگە دەسگیر کرد.
سەرچەوەگە دیاری کرد کە ماشینەگە وەرجەیە هەمیشە لە کەسیگ خەڵک کەرکوک دزیایە، و ئیجا ئی کابرا خەڵک خاڵس دزیەسەی، وتیش؛ دزە دویەمەگە کەفتیەسە شوین دژە یەکەمەگە کە خاوەنەگەی خەڵەتانیە و دزیەسەی.
