سۆپا کۆتایی وە گیان زاروویگ تیارێد و ئەندامەیل خێزانەگەی زەخمداربوون لە باکوور تکریت

شەفەق نیوز/ سەرچەوەیگ لە پۆلیس ناوخوەی پارێزگای سەڵاحەدین، ئمڕوو یەکشەممە، خەوەردا لە مردن و زەخمداری شەش کەس لە ئەندامەیل یەک خێزان لە باکوور شار تکریت ناوەن پارێزگاگە.

سەرچەوەگە وە ئاژانس شەفەق نیوز وت، مناڵیگ پنج ساڵان گیان لەدەسداس و داڵگ و باوگی و سێ ئەندامەیلترەک لە خێزانەگەی زەخمداربوین وە هیزگردن ئاگر لەناو ماڵیان لە قەزای بێجی باکوور تکریت، وتیشئاگرەگە لە ئەنجام پلیان سۆپایگ بویە لەناو ماڵیان.

وتیش؛ تەرمەگە ئەرا پزیشک دادوەری کلکریاس و زەخمدارەیلیش ئەرا خەستەخانەی قەزای بێجی بریانە.

لەهەمان وەخت، سێ مەدەنی تویش زەخمداریهاتن لەئەنجام لەیەکەوداین لەبان ری تکریت ـ کەرکوک لە چوارچمگ ناحیەی رشاد.

سەرچەوەیگ ئەمنی ترەک راگەیان زەخمدارەیل ئەرا خەستەخانەی گشتی کەرکوک کلکریانە.