سەڵاحەدین چەوەڕی ئەنجامەیل لێکۆڵینەوەگان کوشتارەگەی فەرحانیە کەێد
شەفەق نیوز/ پارێزگای سەڵاحەدین چەوەڕی ئەنجامەیل لێکۆڵینەوە ئەمنیەگان کەێد لە کوشتارەگەی فەرحانیە ک ١٢ مەدەنی لەناوبەین کوشیاگ و بەی سەروشوون لەلی بوینە قوربانی، وهەمیش باس لە مەترسیەیل خوەی کرد لە کۆچبردن نوویگ ئەرا دانیشتوەیل لە پشت کوشتارەگە.
ئیسماعیل هەلوب، پارێزگار سەڵاحەدین لە کۆنگرەیگ رۆژنامەوانی ئاژانس شەفەق نیوز ئامادەی بوی، وت: ئیمە چەوەڕی ئەنجامەیل لێکۆڵینەوەی دەسە ئەرکدارەگە کەیمن وە سەرپەرشتیاری فەرماندەی ئەرکان سوپا ک ئەرک گردەوکردن راسەیەگان و خەوەرەگان لە فەرماندە ئەمنیەگان و خاوەن قوربانیەگان و وەچەودیەگان هەڵگردگە، و ئەو لایەنەگ دەسی هاناو رووداوەگە دیاری کریا، و خەوەر لە چەن ناویگ دریا ک کووشتارگە جیوەجی کردنە، و داوای مقەیەتی کردن وەچەودیەگان لە هەر هەڕەشەیگ کرد.
هەلوب دووپاتکرد ک داواکاریەیل پارێزگاگە باوەتە ئەمنیەگە لە فەرحانیە خەێدە گەردن پۆلیس و سوپا، و دەرکردن هەر باڵ چەکداریگ، تا روی وەرویبوینەوە دروس نەوود، و هاوردنەوەی ئاوارەگان ئەرا ناوچەی رووداوەگە «ئاوای رفێعات» ک هیمان ٨٩٪ لە دانیشتوەیلی ئاوارەن، و لەخود وەختەگە پێشبینیکرد لە کۆچبردن نوویگ لەپشت رووداوەگە و لە رخ دوواراەبوینی.
هەلوب ئاماژە کرد ک موستەفا کازمی سەرۆک وەزیران فەرمان دا وە بڵاوکردن لیوای ئامێری لە ناوچەی رووداوەگە وەگەرد فەوج سێیەم لە هێزەیل سوپای عراق.
هەرلیوا، شاندیگ لە هووزەیل پارێزگا باشووریەگان سەردان پرسەگان کردن ئەرا سەرەخوەشی کردن لە خاوەن قوربانیەگانیان و پاڵپشتی داواکرایەیل خیزانە نەهامەتی دیەگان.
هەمیش نۆێنەرەیل سەڵاحەدین راگەیانن قسەنەکردن وە هیچ وتاریگ یا بردن هیچ هەڵوێستیگ وەرجە راگەیانن ئەنجامەیل لێکۆڵینەوەگان و چەوپیکەفتن وەگەرد موستەفا کازمی.
