سەڵاحەدین.. پەیاکردن گەنجیگ وە خنکیای لەناو ماڵیگ لە شەرقات
شەفەق نیوز- سەڵاحەدین
سەرچەوەیگ پزیشکی، ئمڕوو پەنجشەممە، خەوەردا لە پەیاکردن تەرم گەنجیگ تەمەن 18 ساڵ وە خنکیاگی لەناو یەکیگ لە ماڵەیل ئاوایی شێخ حەمەد سەر وە قەزای شەرقات لە پارێزگای سەڵاحەدین.
سەرچەوەگە ئەرا ئاژانس شەفەق نیوز وت، گەنجەگە وە گەرد بڕیگ لە کرێکارەیل ئەرا کارکردن دەرچگە لە ناوچەگە، وەرجە ئەوەگ تەرمەگەی وە خنکیاگی لەناو یەکیگ لە وتاقەیل ئەو ماڵە پەیا بکریەێد کە کار لەناوی کردیاد.
وتیش، کراکارەیل لایەنە ئەمنییەیل لە رویداوەگە ئاگادار کردنە، تا هێزیگ ئەمنی برەسێدە شوینەگە و رێکارە یاساییە هەوەجەیل بگرێدە وەر، وەرجە گواستنەوەی تەرمەگە ئەرا فەرمانگەی پزیشکی دادوەری.
سەرچەوەگە دیاری کرد، دەزگا ئەمنییەیل لێکۆڵینەوەیگ واز کردنە ئەرا زانستن چوینیەتی رویداوەگە و ئەو مدووەیلە کە لە پشتیەو وسیانە، لە وەختیگ رێکارەیل لێکۆڵینەوە ئەرا ئاشکراکردن هویردەکارییەیل رویداوەگە وەردەوامن.