سێ حاڵەت مردن وەڤایڕۆس کۆڕۆنا لە دوو پارێزگای عراقی

شەفەق نیوز/ سەرچەوەیگ پزشکی لە پارێزگای کەرکوک، ئمڕوو یەکشەممە، ئاشکرای دوو حاڵەت مردن نوو وەڤایڕۆس کۆڕۆنا کرد، لەوەختیگ یەک سەرچەوەیگ تر لە پارێزگای دیوانیە باس مردن پیاویگ کرد ك خوەی بیمار بیە.
سەرچەوەگە ئەرا ئاژانس شەفەق نیوز وت: دوو مردگ نوو وە ڤایڕۆس کۆڕۆنا ئمڕوو لە پارێزگای کەرکوک تۆمار کریا، وئاماژەدا ک هەردوگ مردگەیل پیاون وەتەمەن ٦٣ و ٦٢ ساڵن.
وتیش؛ لە دویەکەو وکەمتر لە ماوەی ٢٤ ساعەت ٤ مردگ وەڤایڕٶس کۆڕۆنا تومار کریاگە لە پارێزگای کەرکوک. ودیاری کرد؛ وەیەوە هەژمار مردگەیل لە پارێزگای کەرکوک رەسێدە ١٣ مردگ لەوەخت بڵاوبوین پەتاگە لە پارێزگاگە.
لە پارێزگای دیوانیە، سەرچەوەیگ پزشکی ئەرا ئاژانس شەفەق نیوز وت؛ تۆمار مردن پیاویگ تووشهاتگ ڤایڕۆس کۆڕنا لە دیوانیەی ناوەند پارێزگاگە کردن.
سەرچەوەیگ پزشکی لە کەرکوک، لە وەختیگ وەرین ئمڕوو، باس لە بەرزەوبوین هاڵەتەیل مردن لە پارێزگاگە کرد ، لەوەر ڤایڕۆس کۆڕۆنا ئەرا ١١ حاڵەت مردن لەوەخت بڵاوبوین پەتاگە، لەوەختیگ تووشهاتنەگان کۆڕنا وەناکاوەو بەرزەوبوی، ک سەرچەوەیگ پزشکی لەوەختیگ وەرین باس کرد لە تۆماکردن ٥١ تووشهاتگ نوو وەڤایڕۆس کۆڕۆنا.