سوپای عراق دەسپاچەی بڕیگ داعشی لەناو تونێلیگ لە نەینەوا کەێد

 شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا ک هیزیگ لە سوپای عراق، بڕیگ لە ئەندامەیل ریخریاگ داعش لەناو تونێلیگ لە خوەرئاوای شار مووسڵ لە پارێزگای نەینەوا گیر هاورد.   

سەرچەوەگە ئەرا ئاژانس شەفەق نیوز وت: هیزیگ لە سوپای عراق فیرقەی پیادەی شانزەهەم، بڕیگ لە ئەندامەیل ریخریاگ داعش لەناو تونێلیگ لە کویەیل عەدایە لە خوەرئاوای شار مووسڵ گیر هاوردیە. 

وتیش: ئەو گیرهاوردنە لەلایەن هیزە عراقیەگە لە ئۆپراسیۆنیگ سەربازی تیەێد ک کەرتەیل سوپا شەوەکی ئمڕوو، لەبنەمای زانیارەیلیگ هەواڵگری دەسوەپی کردن.