کەسوکارەیل کاندیدیگ مردگ لە هەڵبژاردن سەرکەفتگە: داوای وەخشین ئەرای بکەن
شەفەق نیوز/ کەسوکارەیل کاندید کووچکردگ لە هەڵبژاردن عراق، ئەنسام مانوئێل، دیاریکردن لە باوەت مردن وسەرکەفتنی لە هەڵبژاردنەگە کردن، وتەمی گومان نەکرن وە دەسپاکی هەڵبژاردنەگە کردن.
لە دیاریکردنەگە ۆ لە ماڵپەڕەیل پەیوەندییە کۆمەڵایەتییەکان بڵاو کریا و ئاژانس شەفەق نیوز چەودیریی کرد وتن: لە گشتی لاڵکیمن داوای رەحمەت و وەخشین ئەرا ڕەحمەتی ئەنسام مانوئيل ئەسکەندەر بکەن، وتنیش؛ ئی دیاریکردن دۊیای بڵاوکردن چەن خەوریگ لە سەرکەفتن کاندیدەگە و گومانکردن لە هەڵبژاردنەگە تیەێد.
کەسوکارەیل کووچکردگەگە وتنیش: خوەی کاندید سەروەخوەیی لە گشت پارێزگایل عراق بۊی، و لە بەدبەختی تۊش ڤایرۆس کۆڕۆنا هات، و رەسیە خەسەخانە، و دۊیای ٣٥ رووژ رەسیە لای خودای میهرەبان.
وتنیش: ئی دەنگەیلە وەرگرد هەرجەن خوەی لەی جیهانە نییە، ئەوەیش لەوەر دوو خاڵی یەکەمەگە ئەوەسە ک بەشیگ زانستن ک خوەی رەسیەسە لای خودای میهرەبان، وەگەرد ئەوەیش ئەل باوەڕییان دەنگ وەپی دان، و نەخوازێن دەنگەیلیان وەبیخود بچن.
و دوویەم خاڵەگە ئەوەسە ک مەردمیگ ئاگا لە مردنی نەیاشتن، و دەنگ وەپی دریا چۊنکە خاوەن ئەزموون پیشەیی لە چین کار بۊی، و خاوەن سیڤی هاوکاری بۊی لە چین مرۆیی و وەگەرد گەنجەیلە وسیا.
وتنیش؛ هۊیچ پڕۆپاگەندەی هەلوەژاردن یا تابلۆ لە جادەیلە تا لە فەیسبوک نەیاشت، و دیاری کردن ک هەژمارە فەرمیەگەی پەبان فەیسبوک هن سەردەم حەیدەر عبادیە، ک لەو مەوقەیش کاندید بۊی، باوجی ئەمساڵ وە سەرخوەیی کاندید خوەی کرد.
