سوپاى عراق و حه‌شد شه‌عبى پروسه‌يگ سه‌ربازى له خوه‌رئاواى وڵاته‌گه ئه‌نجام دان
2020-04-09T10:39:19+00:00
شه‌فه‌ق نيوز/ هيزيگ له سوپاى عراقى و حه‌شد شه‌عبى، پرووسه‌يگ سه‌ربازى له ديم بياوان خوه‌رئاوا له پاريزگاى ئه‌نبار ئه‌نجام دان ئه‌را بنبڕكردن پاشماوه‌و بنگه‌يل ريكخرياگ تيرۆريستى داعش.
سه‌ركردايه‌تى فه‌رمانده‌يى ئه‌نبار له ده‌سه‌ى حه‌شد شه‌عبى، وت: هيزه‌يل به‌شدار له پرووسه‌گه پيكهاتنه له چوار ليوا له سوپا وه‌پشتگيرى ته‌ياره‌يل سوپاى عراق و ليوايه‌يل (18-19-17-13)حه‌شد شه‌عبى و فه‌وج حه‌شد روتبه.
جى باسه، سه‌ركردايه‌تيه‌گه ئاماژه وه‌يه‌يش كرد وه‌ڕيه‌وبه‌رايه‌تيه‌يل ته‌بابه و ئه‌ندازيارى سه‌ربازى و دژه ته‌قينه‌وه‌و هه‌واڵگيرى و ئاسايش و معاونيه‌ت پشتگيرى لۆجيستى به‌شدارن له‌ى پرووسه ك له چوار محوه‌ره‌وه ده‌سوه‌پيكردگه.
