سوپاى عراقى قاچاخبه‌ريگ كوشت و كه‌فته جه‌نگه‌و وه‌ل شماره‌يگ تر له نزيك مه‌رز سوريا
2019-06-03T10:51:55+00:00
شه‌فه‌ق نيوز/ وه‌رپرسيگ ناوچه‌يى ئاشكراى ئه‌وه كرد سوپاى عراقى قاچاخبه‌ريگ له خوه‌رئاواى شار موسڵ پايته‌خت ناوچه‌يى نه‌ينه‌وا كوشتگه.
ئه‌و سه‌رچه‌وه ئه‌را شه‌فه‌ق نيوز وت: تيم 15 له سوپا قاچاخبه‌ريگ له نزيك مه‌رزه‌يل عراق و سوريا وه‌تايبه‌ت له‌ناوچه‌ى ته‌ل مشرف عراقى سه‌ر وه ناحيه‌ى ئه‌لشمال له قه‌زاى شه‌نگاڵ كوشتگه.
سه‌رچه‌وه‌گه باس له‌وه‌يش كرد دوياخريش جه‌نگ له‌ناونى سوپاو شماره‌يگ تر له قاچاخبه‌ره‌يل روێداگه‌و هه‌يواينه وه‌ره‌و ناو خاكه‌يل سوررى.
