سودانی سەردانەگەی ئەرا ئیمارات هەڵوەشان و داوای وەخشین لە سەرۆکەگەی کرد
2024-02-12T08:24:43+00:00
شەفەق نیوز/ سەرچەوەیگ وەرپرس ئاشکەرایکرد، سەرۆک حکومەت عراق محەمەد شیاع سوودانی سەردانەگەی کە بڕیار بوی سەردان ئیمارات بکەێد، ئمڕوو دووشەممە، هەڵیوەشان.
سەرچەوەگە وە ئاژانس شەفەق نیوز وت، سەرۆک وەزیرەیل محەمەد شیاع سودانی سەردانەگەی ئەرا ئیمارات عەرەبی بەشداریکردنی لە لوتکەی جەهانی حکومەتەیل هەڵوەشان، وەبی ئەوەی هووکار هەڵوەشانن سەردانەگەی بزانیەێد.
ئاشکەراکرد، سودانی داوای وەخشین لە سەرۆک ئیمارات کردیە.
بڕیار بوی سەرۆک وەزیرەیل فیدراڵی محەمەد شیاع سودانی و سەرۆک هەرێم کوردستان مەسرور بارزانی، سەردان وڵات ئیمارات عەرەبی بکەن ئەرا بەشداریکردن لە لوتکەی جەهانی حکومەتەیل، کە ساڵانە لە دوبەی رێکخرێد، ئەرا گفتوگوکردن جەهانی لە باوەت سیاسەتەیل حکومەت و رووشنایی خستنە بان دۆسیەیل ئایندە و داهێنان تەکنەلۆجی و باوەتەیل ترەک.
