سه‌ركرده‌يگ سه‌ربازێ باس له‌ جموجويليگ سياسى ئه‌كا ئه‌را رمانن حكومه‌ت

Category: هــــه‌واڵ عــیراق

Date: 2019-09-28T20:25:45+0000
سه‌ركرده‌يگ سه‌ربازێ باس له‌ جموجويليگ سياسى ئه‌كا ئه‌را رمانن حكومه‌ت

شه‌فه‌ق نيوز/ موهه‌نه‌د عه‌تابى سه‌ركرده‌ له‌ فراكسيۆن "نه‌هج وه‌ته‌نى" باس له‌ وجوود جموجويليگ فريه‌ى سياسى و په‌رله‌مانى كرد له‌وه‌ر خاتر رمانن حكومه‌ت ئيسه‌ى عراقى وه‌ سه‌رۆكايه‌تى عادل عه‌بدولمه‌هدى.

 

عه‌تابى ئه‌را شه‌فه‌ق نيوز وت: جموجويليگ فريى سياسى و په‌رله‌مان هه‌س وه‌ره‌و رمانن حكومه‌ت عادل عه‌بدولمه‌هدى و يه‌يش ده‌رخست ك به‌شيگ له‌و جموجويل ئاشكراسه‌و به‌شيگى نائاشكرا.

 

عه‌تابى باس له‌وه‌يش كرد ئى جموجويله‌ وه‌ل وجوود تويڕه‌يى مه‌ردمى هاتگه‌ وه‌رانوه‌ر بڕياره‌يل دراسه‌ت نه‌كرياێ و نا حه‌كيمانه‌ له‌لايه‌ن حكومه‌ت عه‌بدولمه‌هدى ك له‌تى فه‌قيره‌يل گيرێده‌ ئامانج و دويايين ئه‌و ئامانجه‌يليشه‌ فه‌ريق روكن عه‌بدولوه‌هاب ساعدى سه‌ركرده‌يگ له‌ سه‌ركره‌يل سه‌ركه‌فتن.

 

جى باسه‌، عه‌تابى ره‌تيه‌و كرد ئاشكراى ناو ئه‌و هيزه‌يل سياسيه‌ بكا ك به‌شدارێ ئه‌كه‌ن له‌ى جموجويل سياسه‌ ك خوازياره‌ عه‌بدولمه‌هدى بگرێده‌ ئامانج و ئاماژه‌ وه‌يه‌يش كرد ره‌فتار و هه‌ڵسوكه‌فت حكومه‌ت ئيسه‌ ناپوخت و نا حه‌كيمانه‌س و هه‌ر وه‌و خاتريشه‌ هه‌وڵ رماننى ئه‌دريه‌ێد.

related

عه‌بادى ئاشكراى گفتگوويگ كرد وه‌ ئامانج رمانن حكومه‌ت عه‌بدولمه‌هدى

Date: 2019-10-14 10:16:28
عه‌بادى ئاشكراى گفتگوويگ كرد وه‌ ئامانج رمانن حكومه‌ت عه‌بدولمه‌هدى