سهركردهيگ ئيرانى: دوياى 3 سهعات له پهلامار بهعس شوونهيليگ بۆردومان كرديم
![سهركردهيگ ئيرانى: دوياى 3 سهعات له پهلامار بهعس شوونهيليگ بۆردومان كرديم](https://media.shafaq.com/media/nzakt32h/طائرات-ايرانية.jpg)
شهفهق نيوز/ عهميد شاهين تهقى خان قسهكهر وهناو سوپاى ئيران، ئهوه دهرخست ك هيز ئاسمانى ئيرانى رۆڵ ديارييگ داشتگه له لهناوبردن گرووپهيل تيرۆريستى و داعش و مونافقهيل.
خان له لێدوانيگ له بنگهى نهوجه له ههمهدان خوهرئاواى ئيرانهو پايهى هيز ئاسمانى سوپاى ئيران وه بى هاوشيوه تاريف كرد له دابينكردن ئاسايش له وڵاتهگهو دويرهوخستن سايهى تهكفيريهيل و مونافقهيل كينهتدار.
خان ههميش وت: هيزهيل ئاسمانى ئيرانى دوياى 3 سهعات له پهلاماره دوشمنكاريهگهى رژيم بهعس ئهرا بان ئيران لهساڵ 1980، شوونهيليگ حهساس له عراق بۆردومان كردگه.