سزای لەسێدارەدان و زیندانیکردن هەمیشەیی لەبان بکوش وەڕێوەبەر وێستگەی کارەبای رەمادی و خێزانەگەی

شەفەق نیوز/ دادگای تاوانەیل ئەنبار، ئمڕوو یەکشەممە، چوار سزای لەسێدارەداین لەبان بکوش وەڕێوەبەر وێستگەی کارەبای رومادی و خێزانەگەی دەرکرد.

دادگا لە بەیاننامەیگ رەسیە ئاژانس شەفەق نیوز وت، "چوار سزای لە سێدارەداین ئەرا بکوش وەڕێوەبەر وێستگەی کارەبای رومادی و خێزانەگەی دەرچگە، هەمیش چوار سزای ترەک زیندانیکردن هەمیشەیی ئەرا کوڕەگەی دەرکریا لەوەر بەشداربوین لە تاوانەگە".

وتیش "زیندانیەیل قوربانیەگە و سێ لە ئەندامەیل خێزانەگەی کوشتنە لەناویان ژن و مناڵەیلی لە قەزای هیت"، وتیش "سزاگان وەپای مادەی  406 /1 / أ/ج/ لە یاسای سزادان ئەرایان دەرکریاس وە بەڵگە هاوبەشەیل   47 و 48 و 49 ، و ئەرا کوڕەگەی وەپای هەمان مادە لە یاسای سزادان  وە پشت بەسان وە بڕگە مادەی ،  132 / 1 لەیاسای سزادان سزا دریاس".

 دیاریکرد، تاوان کوشتنەگە لە تەشرین یەکەم ساڵ گوزەشتە رویدا، لەدویای چەن ساعەتیگ لە تاوانەگە تاوانبار دەسگیرکریا، کە وەڕێوەبەر وێستگەگە و خێزانەگەی کوشتیە و سەریان بڕیە.