سزای لە سێدارەدان دو کەس و زیندانی سێیەم وە تاوان دزیکردن لە بانکیگ و کوشتن خاوەنەگەی

شەفەق نیوز/ وەزارەت ناوخۆی عراق، ئمڕوو جومعە، خەوەردا لە دەرچگن سزای لە سێدارەداین دو کەس و یەکیگیش وە زیندانی هەتایی ئەرا سێ کەس مەدەنی ک باندیگ چەتەیی دروسکردۊن وە چەک پەلامار بانکیگ دەن و خاوەنەگی کوشن لە خوەرهەڵات بەغدای پایتەخت.  

وەزارەتەگە لە بەیاننامەیگ ئمڕوو وت، وەڕێەوبەرایەتی دژە تاوان بەغدا/ نۊسینگەی دژە تاوان حەبیبیە تۊنستنە باندیگ سێ کەسی دەسگیر بکەن ک وە چەک پەلامار بانکیگ دانە و خاوەنەگەی کوشتنە لە سەر وە ناوچەی وەرپرسیارەتی خوەرهەڵات بەغدا. 

لە بەیاننامەگە دیاریکرد، هۊردەوبۊن لە لێکۆلینەوە وەگەردیان دان وە راسی تاوانەگە نانە وە دزی چەکداری و تاوانەیلتر، قسەیلیان لە دادگا پشتراس کریایە، دیاریکرد دوانیان سزای لە سێدارەدانیان دریایە و ئەوەکەیتر وە زیندانیکردن هەتایی.