سزای شەس ساڵ زیندانی ئەرا بریکار وەزارەت رووشنهویری عراق وەرین وە مدوو "گەنجینەی نەمروود"
شەفەق نیوز ـ بەغداد
دەسەی دەسپاکی فیدراڵی، ئمڕوو پەنجشەممە، راگەیان بڕیار دەستووری وە ماوەی شەس ساڵ زیندانی ئەرا بڕیکار وەزارەت رووشنهویری وەرین دەرچگ وەبان بنەمای سەرپێچییەیل کە تێکەڵ وە گرێبەست کردن بوی وەگەرد کۆمپانیایگ دانمارکی ئەرا نمایشکردن گەنجینەی نەمروود شوێنەواری لە مۆزەخانەیل ئەوروپی.
دەسەگە، لە بەیاننامەیگ فەرمی لە وەخت قسەکردن لەبان هویردەکارییەیل دۆسیەگە وت: و لێکۆڵینەوە لەبانی کریا و ئەرا دادگا کلکریا، کە دادگای تاوانەیل کەرخ/ دەسەی سێیەم بڕیار سزادان دەستووری دەرکرد لەبان توومەتبار ه (سەربەست عومەر حەسەن)، کە پۆست بڕیکار وەزارەت رووشنهویری وەرگردبووی، کە سزای شەس ساڵ زیندانیکردن وەرگرد، وە مدوو سەرپێچییەیل ئەنجام دریاگ لە دۆسیەی تایبەت وە گرێبەس کردن وەزارەت لە ساڵ (2014) وەگەرد کۆمپانیایگ دانمارکی وەناو (کۆمەڵەی پیشانگاکەیل گلدریاگ)؛ وە مەبەست پیشاندان گەنجینەی نەمروود شوێنەواری لە مۆزەخانەیل ئەوروپی.
دەسەگە وتیش؛ دادگا، دویای ئاگاداربوین لە بەڵگەیل و چەسپاننیان لە دۆسیەگە، ئەوەگ پەیاکریابوی بەس و قایلکەر بوی ئەرا توومەتبارکردنی، وەی مدوو بڕیار دا سزای غیابی لەبان توومەتبار واییگ وە زیندانیکردن شەس ساڵ وە پشت بەسان وە سزایەیل مادەی (340) لە یاسای سزادان شمارەی (111 ساڵ 1969).
