١٦ ساڵ زیندانی لەبان فەرمانبەریگ حکومەتی لە نەجەف ١٦٥ مەلیۆن دینار دژبە
2022-12-21T13:24:38+00:00
شەفەق نیوز/ سەرچەوەیگ ئەمنی لە پارێزگای نەجەف، ئمڕوو چوارشەممە، خەوەردا ک دادگای نەهیشتن تاوانەیل نەجەف، فەرمان زیندانیکردن لەبان فەرمانبەریگ وەرین لە فەرمانگەی خانەنشینی دەرکرد.
سەرچەوەگە ئەرا ئاژانس شەفەق نیوز وت: دادگای نەهیشتن تاوانەیل، فەرمان ١٦ ساڵ زیندانی لەبان ئەمیندار سەندوق خانەنشینی پارێزگاگە دەرکرد، دویای تاوانبارکردنی وە دزیکردن ١٦٥ مەلیۆن دینار لە پویل سەندوقەگە، لەناو ساڵەیل ٢٠١٦ و ٢١٠٧.
سەرچەوەگە دیاری کرد ک بڕیارەگە لە بنەمای فەرمان مادەی ٣١٤ لە یاسای سزادان عراقی شمارە ١١١ ئەرا ساڵ ١٩٦٩ دەرچگ.
