زەویلەرزەیگ وە هاز 3.5 پلە دەێد لە باکوور کەرکوک
2026-10-07T05:21:22+00:00
شەفەق نیوز ـ کەرکوک
ناوەن چەودێری دەسەی کەشناسی و زەویلەرزەناسی، ئمڕوو چوارشەممە، زەویلەرزەیگ لە دویری نزیکەی 25کیلومەتر لە باکوور شار کەرکوک توومارکرد.
وەڕێوەبەر بەش ناوەن زەویلەرزەیل لە دەسەگە، عەلی عبدولخالق لە بەیانیگ وە ئاژانس شەفەق نیوز وت، ناوەندەیل دەسەگە لە ساعەت هەفت و نیم شەوەکی زەویلەرزەیگ وە هاز 3.5 پلە لەبان پەیمانەی رێختەر لەناوچەیگ باکوور کەرکوک توومارکردن.
دیاریکرد، تیم ناوەندەگە وەدویاچگن ئەرا چالاکی زەویلەرزەی ناوچەگە کەن ئەرا دڵنیابوین لە توومارنەکریان لەرزەیل پاشکۆ لە ساعەتەیل ئایندە، دووپاتکرد تا وەخت دانان خەوەرەگە هویگ راپۆرتیگ لەبان زەردەیل مادی و گیانی لەرزەگە نەویە.
