زەویلەرزەناسی عراق: رووژانە یەک تا هەفت زەویلەرزە توومارکرێد هووکارەگەی چوود ئەرا 2017
شەفەق نیوز/ دەسەی گشتی کەشناسی و توومار زەویلەرزەیل عراقی، ئموو دووشەممە، ئاشکرایکزد وڵاتەگە رووژانە نزیکەی 7 زەویلەرزە توومارکەێد، دیاریکرد ئەو زەویلەرزە کە ئمڕوو رویدالەسنوور ئیران سوک بویە.
عەلی عەبدولخالق وە ڕێوەبەر بەش زەویلەرزە وە ئاژانس شەفەق نیوز وت "هاز زەویلەرزەگەی ئمڕوو لە سنوو 5 پلە بوی لەناو سنوور ئیران وە دیارکریاگی لە قەسر شیرین، لە خود وەخەگە هازەگەی لەناو سنوور عراق 4،8 پلە بوی وەپای ئەو دەزگایەیلە تایوەتن وە خوەنین هاز زەویلەرزەیگ وە شیوەی هویردیگ".
وتیش، "سێگوشەی هەلەبجە کەلار خانەقین گورجەوبویە لەدویای توومارکردن زەویلەرزەی تونیگ لە هەرێم کوردستان لەماوەی ساڵ 2017 هیش چینەیل تەکتۆنی زەوی بلەرزێد و لە دویای جویلیانی ناوچەگە بویە شوینیگ چالاک لە زەویلەرزە".
دیاریکرد،" رووژانە یەک تا هەفت زەویلەرزە توومارکرێد هازی هاناوەین یەک تا دوو پلە لەبان پەیمانەی رێختەر و هەفتانە زەویلەرزە وە سێ پلەش توومارکرێد کە هەس وەپی کرێ باوجی سووکە و نیەود مدوو زەرەد گیانی و مادی ".
