زیقار.. کوشیان فەرمانبەریگ حکومەتی وە چەقوو و گیانلەدەسداین دوو کەس وە مدوو دوو رۊیداو هاتوچو

شەفەق نیوز- زیقار

سەرچەوەیگ ئەمنی، ئمڕوو یەکشەممە، خەوەردا لە کوشیان گەنجیگ لە تەمەن سییەگان وە وەشانن چەقوویگ تیژ، وە مدوو جەنگیگ لەناوەین دوو لایەن لە قەزای ریفاعی لە باکوور پارێزگای زیقار.

 سەرچەوەگە ئەرا ئاژانس شەفەق نیوز وت، کە قوربانییەگە چۊ فەرمانبەر لە فەرمانگەی تەندروسی زیقار کار کەێد، و باس وازکردن لێکۆڵینەوەیگ فراوان لە رۊیداوەگە کرد ئەرا رەسین وە بندروسی.

و لە رۊیداویگ تر، سەرچەوەگە خەوەردا لە تومارکردن دوو رۊیداو هاتوچو لە پارێزگای زیقار، یەکیگیان لەبان ێی ناسریە-چبایش، و ئەوەکەی تریش لەبان ری ناسریە-سوق شیوخ.

هەمیش وت کە هەردوگ رۊیداوەگە بۊنە مدوو گیانلەدەسداین دوو کەس، کە یەکیگیان لە خەڵک پارێزگای دیوانیەس، و زەخمداربۊن کەسیگ سێیەم وە زەخمەیل سەختیگ.