زیقار.. شکست خوەیکوشتن و پویچەڵکردن فرووشتن ماشینیگ وە زوور چەک

شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، راگەیان تۆمارکردن شکست لە خوەیکوشتنیگ، و پویچەڵکردن فرووشتن ماشینیگ وەزوور چەک.

سەرچەوەگە ئەرا ئاژانس شەفەق نیوز وت: دوێەتیگ لە تەمەن ٢٥ ساڵان لە قەزای نەسر باکوور شار ناسریە بڕیگ دەرمان ئەرا خوەیکوشتن خوارد، باوجی کەسوکارەیلی رەساننەی خەسەخانە تا چارەسەری بکەن.

لەلاییگ تر، سەرچەوەگە نشان دا ک نووسینگەی دژە تاوان لە قەزای رفاعی ئاگاداریبگ لە خاوەن ماشینیگ (ستاریکس) وەرگرد ک ناچاری وە زوور چەک کریاگە تا ماشینەگەی بفرووشێدە کەسەیلیگ و وەرەو شار ناسریە بردنەی.

وتیش؛ مەفرەزیل نووسینگەگە کەفتنە شوین بسینەیل لەناوڕاس شار ناسریە خوەیان و ماشینەگە و دەسگیر کردن.