زیقار.. سزیان دوو باخ و پەلاماریگ چەکدار و کوشیان ئەندامیگ ئەمنی
سەرچەوەگە ئەرا ئاژانس شەفەق نیوز وت: ئاگر لەناو یەکیگ لە باخەیل قەزای غەراف لە باکوور ناسریە هیز گرد، و بویە هوکار سزیان ٤٥ دار وە گەرد تەویلەی ئاژەڵ، ک خاوەن باخەگە داوای سکاڵا لەبان کەسیگ نەناسریاگ کرد.
سەرچەوەگە وتیش: رویداوەیگ ئاگر رەسیە سزیان باخیگتر لە ناحیەی فەزلیە، ک بویە هوکار سزیان ٣٠ دار خورما، و دیاری کرد ک خاوەن باخەگە فەرمانبەر حکومەتیە.
هەرلیوا، سەرچەوەگە وتیش: رویداویگ هاتوچو کەفتە ناوبەین چوار ماشین لەبان ری زوینەی خوەرهوڵات ناسریە، و بویە هوکار کوشیان ئەندامیگ ئەمنی لە فەرماندەیی پولیس پارێزگاگە، و زەخمداری دوو کەستر، یەکیگیان فەرمانبەر حکومەتیە، وتیش: هیزیگ ئەمنی رەسیە شوین رویداوەگە و زەخمدارەیل ئەرا خەسەخانە بردن، و تەرمەگە ئەرا پزشک دادوەری.
سەرچەوەگە وتیش: هاووڵاتییگتر کەفتە وەر تەقەکردن و تاڵانکردن وەلایەن کەسەیلیگ نەناسیاگ مەوقەی رویکردنی لەبان ری ئال عەواد لە قەزای شەترە باکوور پارێزگای زیقار، ک بویە هوکار زەخمداربزینی وە گولەیگ، و هەمیش ٧٥٠ هەزار دینار و مۆبایل لەلی دزین.
