زیقار.. زەخمدار شمشیر و قوربانی کوڵەنجی و خوەیکوشتن دویەت
شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە قومیان جەنگیگ وە شمشیر لە شار ناسریە.
سەرچەوەگە ئەرا ئاژانس شەفەق نیوز وت: جەنگ سەختیگ وە شمشیر کەفتە ناوبەین دوو لایەن لە ناوچەی حەی عومال لە قەزای قەڵعەت سکەر باکوور پارێزگای زیقار.
وتیش: ٣ کەس لەو جەنگە زەخمدار بوین، یەکیگیان زەخمەیلی سەختە و بریانە خەسەخانە، وتیش: رویداوەگە لەوەر ناکۆکییگ وەرین بویە.
لەلاییگتر، کوڵەنجی گیان دویەتیگ خوار بیس ساڵان لە شار ناسریە رفان.
سەرچەوەگە ئەرا ئاژانس شەفەق نیوز وت: دویەتیگ لە تەمەن ١٥ ساڵان لەناو بووسانیگ لە قەزای سەید دخیل لە شار باسریە کوڵەنجی داپیەو و گیانی لەدەسدا.
هەمیش لە زیقار، سەرچەوەیگ ئەمنی وت: دویەتیگ لە تەمەن ٢٠ ساڵی تەقەلای خوەیکوشتن دا وە خواردن بڕیگ دەرمان لەناو ماڵەگەی خوەیان لەناوڕاس شار ناسریە، باوجی تەقەلاگەی شکست هاورد، ک کەسوکارەیلی رەساننەی خەسەخانە.
سەرچەوەگە دیاری کرد ک دویەتەگە لەوەر شکستهاوردنی لە خوەنەواری هاتیە خوەی بکوشێد.
