زیقار دووارە سەرکەفتی بوی لە کاڵین دڵ دەسکرد

سەرچەوەگە وە ئاژانس شەفەق نیوز خەوەردا، "تیمە پزیکشەیل عراقی و تورکی، سەرکەفتی بوینە لە کاڵین دڵ دەسکرد لەسەنتەر دڵ لە لەناوڕاس شار ناسڕیە ناوەن پارێزگاگە"وتیش "یە دویەم نەشتەرگەریە وەی جویرە لە میژوو عراق".

سەرچەوەگە وتیش، "یەکەم نەشتەرگەری ئەرا گەنجیگ 38 ساڵان بوی لە قەزای شەترە، باوجی دویەم نەشتەرگەری ئەرا پیاویگ شەس ساڵان بوی خەڵک بەسڕە"وتیش "یەکەم نەشتەرگەری 4 ساعات وەپی چگە، باوجی دویەم نەشتەرگەری 5 ساعەت".

سەرچەوەیگ ئاگادار لە فەرمانگەی تەندروسی وە ئاژانس شەفەق نیوز وت، "سەنتەر دڵ لە ناسڕیە 4 دڵ دەسکرد سەنیە ئەرا تاقیکردنەوەی پزیشکی و چارەسەرکردن بیمارەیلیگ کە بیماری دڵ درویژەخایەن دیرن وە بڕ پویلیگ رەسێدە یک ملیار دینار عراقی" ئاشکەرایکرد "لە سەنتەرەگە تا ئیسە 3 نەشتەرگەری کاڵین دڵ دەسکرد ئەنجامدانە".