زیقار.. خوەیکوشتن ناخاڵیگ و دەسگیرکردن دوو خوەنەوار لە تاقیکردنەوە تەقەلای گزەکردن دانە
شەفەق نیوز/ سەرچەوەیگ ئەمنی لە زیقار، ئمڕوو شەممە، خەوەردا لە توومارکردن شمارەیگ رویداو ئەمنی لە پارێزگاگە لە ناویان خوەیکوشتن و دەسگیرکردن دوو خوەنەوار کە تەقەلای گزەکردن دانە لە تاقیکردنەوەیل نیشتیمانی پۆل سێ ناوەندی.
سەرچەوەگە وە ئاژانس شەفەق نیوز راگەیان "دویەتیگ تەمەن 15 ساڵان لەری لە سێدارەداین خوەی وە رویسەری (شال) هەڵواسیاگ لەقێ قەواسەی تەوێلەی ناو ماڵیان خوەیکوشتیە لە قەزای قلعەت سوکەر باکوور پارێزگای زیقار، وتیش "هووکار خوەیکوشتنەگە تا ئیسە لایهێزەیل ئەمنی نادیارە".
ەرچەوەگە وتیش "هێزە ئەمنیەیل سەر ئاسایش نیشتیمانی توەنستن دوو خوەنەوار دەسگیربکەن کە تەقەلای گزەکردن لە تاقیکردنەوەیل پۆلسێ ناوەندی دانە، یەکیگیان تەقەلا داس براگەی لەجیاتی خوەی بچێدە ناو تاقیکردنەوەیل" وتیش "ئەرا وەرگردن رێکارەیل پێویست وەرانوەریان کلکریانە بنکەی تایوەت".
سەرچەوەگە وتیش "حالەتیگ مردن دویەت ترەک توومارکریاس وە تەزووی کارەبا لەری (وایر مۆلیدە) لە قەزای ئسڵاح خەرهەڵات شار ناسڕیە ناوەنپارێزگاگە، بویەسە مدوو هیزگردن و زەرد رەسانن گەپیگ وە ماڵەگە".
