زەخمداری وەڕێوەبەر باخچەیگ و جیگیرەگەی وە پەلامارداین وەلایەن داڵگ مناڵیگ لە بەسرە
شەفەق نیوز ـ بەسرە
فەرمانگەی پەروەردەی بەسرە، ئمڕوو چوارشەممە، خەوەردا وەڕێوەبەر باخچەیگ حکومی و جیگیرەگەی رویوەڕوی پەلامارداین هاتنە وەلایەن داڵگ مناڵیگ، لەدویای ئەوەگ رەدیکەن ناو مناڵەگەی تووماربکەن وە مدوو سەرپیچی تەمەیل تەمەن وەرگردن.
وەڕێوەبەر گشتی پەروەردە عەبدولرەزاق فەیسەل عەبدولحەمید لە بەیانیگ رەسیە ئاژانس شەفەق نیوز وت: لە ئەنجام پەلاماردانەگە وەڕێوەبەر باخەی ئەلبەرجسیە، لە قەزای زوبێر زەخمداربویە و هەمیش جیگیرەگەی دەسی تویش کەوبوین هاتیە.
ئاشکرایکرد، پەلامارەگە لەبان رەدکردن توومارکردن مناڵەگەی بویە کە لەداڵگبوی 2023یە، وتیش دادیگ فەرمی توومارکریاس لای دەزگا ئەمنیەیل، فەرمان دەسگیرکردنی دەرچگ لەدویایی واین.
عەبدولحەمید دووپاتکرد لەبان رەدیکەێد هەر دەسدرویژیگ وەبان میلاکەیل پەروەردە و فێرکاری، هەمیشە دووپاتکد لەبان پابەندبوین وە تەمەیل و کەناڵەیل یاسایی، و وەدویاچگن رێکارەیل یاسایی ئەرا پاراستن میلاک پەروەردەیی و مسۆگەرکردن بیوەییان.
