٧ زەخمداری و رویداویگ لە سەڵاحەدین
2022-05-04T08:02:24+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە زەخمداری ٧ کەس، وە رویداویگ هاتوچو لە پارێزگای سەڵاحەدین.
سەرچەوەگە ئەرا ئاژانس شەفەق نیوز وت: هەفت مەدەنی زەخمدار بۊن، زەخمداری دوانیان سەختە، ئەوەیش دویای لەیەکدان دوو ماشین لەبان ری بەغداد – کەرکوک (ری مەرگ) نزیک قەزای خورماتوو.
سەرچەوەگە وتیش: زەخمدارەیل ئەرا خەسخانەی خورماتوو بریان، و دەسەڵاتەیل ئەمنی لێکۆڵینەوە لە رویداوەگە واز کردن.
