زەخمداری و دەسگیرکردن لە دویای بڕیار وەبەرهێنان لە بەغداد

شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە دەسگیرکردن 13 کەس کە پەلامار هێز ئەمنیەیل دانە لەناوچەی عامریە لە بەغداد، لەدویای ئەو تونوتیژیە کە ناوچەگە وەخوەی دی.

سەرچەوەگە ئەرا ئاژانس شەفەق نیوز وت؛ "لە ئەنجام پەلامارداین ئەو کەسەیلە بویەسە مدوو زەخمداری 9 ئەندام ئەمنی و دویای ئەوەگ وە بۆمب و سەنگ پەلاماردریانە، لەوەخت جیوەجیکردن ئەرک لاوردن زیایچگنەیل سنوور " "القرية العراقية" وە مەبەست وەبەرهێنان.

 سەرچەوەگە دیاریکرد، هێزە ئەمنیەیل گولە وە هەوا تەقاننە و دەسدرویژی وەبان ئەو کسەیلە کردنە لەورە بوینە، یەیش هیشتیە مەردمەگە وەرگیری لە خوەیان بکەن.