زەخمداری پولیسیگ و مردن مەدەنییگ وە دو رویداو جیاجیا لە دیالە

سەرچەوەیگ وە ئاژانس شەفەق نیوز وت، ئەندامیگ لە پۆلیس فریاکەفتن تویش زەخمداری بوود وە پەلاماردان داعش ک خاڵیگ ئەمنی کریاسە ئامانج لە "حەوز وەقف" لە دەوروگەرد ناحیەی ئەبی سەیدا.

وتیش هێزەیل ئەمنی  جواو پەلامارەیل دانە و پەلاماردەرەیل ناچارکردنە هەرابکەن.

لە رویداویگتر وەپای هەمان سەرچەوە گەنجیگ گیان لەدەسدایە وە لەیەکداین ماتۆرسکڵەگەی وەگەرد ماشینیگ لە ئاوای زهێرات سەر وە ناحیەی ئەبی سەێدا لە باکوور خوەرهەڵات بەعقوبە.

سەرچەوەگە ئاشکەراکرد تەرم گەنجەگە ئەرا پزیشک دادوەری کلکریایە رێکارەیل یاسایی و هاتوچو پێویست وەرگیریایە.