زەخمداری ١١ ئەندام ئەمنی مەوقەی لەیەکدان ماشینەیل پۆلیس سزادریاییلیگ وە تیرۆر رەوانە کردنە
شەفەق نیوز/ ١١ پۆلیس وە رویداویگ هاتوچو، ئمڕوو یەکشەممە، زەخمدار بوین، هەناێ سزادریاییلیگ بردنە، ئەوەیش دویای لەیەکداین ماشینیان لە باشوور مووسڵ.
سەرچەوەیگ ئەمنی لە پارێزگای نەینەوا ئەرا ئاژانس شەفەق نیوز وت: رویداویگ هاتوچو کەفتە ناوبەین ماشینەیل پۆلیس نزیک چواڕیان قەیارە لە باشوور مووسڵ، بویە هووکار زەخمداری ١١ ئەندام لە پۆلیس.
سەرچەوەگە وتیش: ماشینەیل پۆلیس لە وەڕێوەبەرایەتی پۆلیس نەسر لە نەینەوا، و فەوج ١٥ داشت پاسەوانی ماشینیگ کردن ک سزادریاییلیگ وە توومەت تیرۆر لەناوی بون، ک وەرەو پارێزگایلتر رەوانەیان کەن.
دیاری کرد ک تونی رانین ماشینەیل هیشت بیەن لەیەک، وتیش؛ زەخمدارەیل پۆلیس بریانە خەسخانەی قەیارە، و سزادریایل ک لەناو ماشین (بۆکس) بوین ئەرا سەربازگای قەیارە بریان.
وەلێ سەرچەوەگە باس ئەوە نەکرد ئایا لەناو توومەتبارە سزادریایل زەخمداری کەفتیە، باوجی وت: دریانە دەس سەربازگاگە، وتیش: رویداوەگە وەپلان نەکریاگە، ک لەوەر تونی رانین بویە.
