زەخمداری ٩ کەس وە رویداویگ هاتوچو ناوەین چوار ماشین لە کەرکوک

سەرچەوەگە ئەرا ئاژانس شەفەق نیوز وت: چوار ماشین لەیەکدان، یەکیگیان مارکەی کیای سۆرینتۆ رەنگ چەرمگ، و دویەم مارکەی ئەڤیو رەنگ چەرمگ کە پۆشمیک زەمان ئەرکان جەماڵ و خانمە پزشکیگ لەناوی بویە، لە بنکەی تەندروسی بشیر لە ناحیەی تازە کار کەن، و ماشین سێیەم مارکەی تویوتا، و ماشین چوارەم حکومەتی بویە، کە رویداوەگە لە ناحیەی دووزخورماتوو بوی.

سەرچەوەگە وتیش: رویداوەگە بویە هوکار زەخمداری نۆ کەس دوو پزیشکەگە لەناویان بوین، و ماشینە حکومەتیەگە سێ زەخمدار خەڵک بەغداد و بەسرە لەناوی بوین، و گشت زەخمدارەیل ئەرا خەسەخانەی کەرکوک بریان.