زەخمداری زیارەتچیەیلیگ ئیرانی وە کەفتن پارچە شویشەیگ لە بەرزی بینایگ لە نەجەف.. وینە
2022-12-21T12:12:24+00:00
شەفەق نیوز/ سەرچەوەیگ لە پارێزگای نەجەف، ئمڕوو چوارشەممە، خەوەردا لە زەخمداری زیارەتچیەیلیگ ئیرانی، دویای کەفتن پارچە شویشەیگ لە بەرزی بینایگ لەناوڕاس شارەگە.
سەرچەوەگە ئەرا ئاژانس شەفەق نیوز وت: پارچە شویشەیگ لە بەرزی بینایگ ک هاژیر دروسکردن لە جادەی رەسول ناوڕاس شار نەجەف کەفتە خوار، و بویە هوکار زەخمداری زیارەتچیەیلیگ ئیرانی.
وتیش: زەخمدارەیل ئەرا خەسەخانەیگ نزیک بریان.
