زەخمداری رانندەی تاکسی وە گولەی پۆلیسیگ و ئازاد کردن دویەت ناخاڵەیگ لە بەغداد
شەفەق نیوز/ سەرچەوەیگ ئەمنی لە بەغداد، ئمڕوو پەنجشەممە، خەوەردا پۆلیسیگ تەقە لە رانندە تاکسیگ کردیە وە مدوو وردەوردە، و ئازادکردن دویەت ناخاڵیگ لەدەس رفێنەرەیلی.
سەرچەوەگە وە ئاژانس شەفەق نیوز وت، "وردەوردەیگ کە هووکارەگەی نەزانریاگە لەناوەین رانندە تاکسیگ و پۆلیسیگ لە کازمیە ناوڕاس شار بەغدا رویدایە، رەسیە ئەرا تەقەکردن وەلایەن پۆلیسەگە و بویەسە مدوو زەخمدارین سەختیگ".
وتیش "هێزە ئەمنیەیل زەخمدارەگە ئەرا چارەسەرکردن کلکردنە خەستەخانە، و پۆلیسەگە دەسگیرکردن و لێکۆڵینەوە لە رویداوەگە وەردەوامە".
لە لایگیش، سەرچەوەگە راگەیان، مەفرەزەی بەش بەڕەنگاربوین تاوانەیل کەرادە وە هاوبەشی وەرد دەوریەیل فریاکەفتن، ئۆپراسیۆنیگ ئەمنی جویری ئەنجامدان، لەئەنجام کۆمەڵیگ توومەتبار دەسگیرکریان، لەدویای ئەوەگ دویەت ناخاڵەیگ تەمەن 13 ساڵان ماوەی دوو رووژ لەناو ماڵ چووڵیگ لە ناوچەی بەتاوین ناوڕاس بەغداد زیندانیکردوین.
وتیش، لە لێکۆڵینەوەیل سەرەتایی ئاشکرابوی تتومەتبارەیل خاوەن پێشینەن، لەناو شوین رویداوەگە دەسگیرکریان، ئەرا زیندانکلکریان، تا رێکارەیل یاسایی پێویست وەرانوەریان بگیرێد وەپای مادەی 422 لەیاسای سزادان.
