زەخمداری دوو ئەندام وەرگری شارستانی وە تریشقەی ئاسمان لە دیالە

شەفەق نیوز/ سەرچەوەیگ لە پارێزگای دیالە، ئمڕوو سێشەممە، خەوەردا لە زەخمداری دوو ئەندام وەرگری شارستانی، لە ئەنجام تریشقەیگ کە داد لەلییان.

سەرچەوەگە ئەرا ئاژانس شەفەق نیوز وت: تێیشقە کلک لە بنکەی وەرگری شارستانی لە ناحیەی کەنعان خوەرهەڵات بەعقووبە، و دیاری کرد کە تریشقەگە ئامێرەیل ئەمنی و کارەبایی ناو بنکەگە لەکار وسان، و دوو ئەندامیش لە ئەنجام ئەو بەڵاچەی کارەباییە زەخمدار بوین کە ئەرا خەسەخانەی گشتی بەعقووبە بریان.