زەخمداربۊن فەرماندەی فەوجیگ و 5 کارمەند لە مەوقەی هەڵمەت لاوردن زیایچگەیل لە شوعلە
شەفەق نیوز - بەغداد
سەرچەوەیگ ئەمنی لە بەغداد، رووژ چوارشەممە، خەوەر دا لە زەخمداربۊن فەرماندەی فەوج مەغاویر فیرقەی دۊەم پۆلیس فیدراڵی کە پلەی عەقید هەڵگرێد، لە ماوەی هەڵمەت لاوردن زیایچگەیل نیشتەجییەیل لەبان زەۊەیل دەوڵەت لە ناوچەی رەحمانیەی شوعلە لە بەغدای پایتەخت.
سەرچەوەگە ئەرا ئاژانس شەفەق نیوز وت، کە 5 کارمەند لە پۆلیس فیدراڵی هەمیش زەخمدار بۊنە، لەئەنجام وەرکەفتنیان ئەرا پەلامارداین لەلایەن خەڵکەگەو وە سان.
سەرچەوەیگ ئەمنی لە وەختیگ زۊتر لە ئمڕوو چوارشەممە، خەوەر دا لە زەخمداربۊن شمارەیگ لە کارمەندەیل هێزە ئەمنییەیل، دۊای وەرکەفتنیان ئەرا سان وەشانن لەلایەن خەڵک ناڕازی لە هەڵمەت لاوردن زیایچگە نیشتەجیەیل لەبان زەۊەیل خاوەنداریەتی دەوڵەت لە ئاوایی "نوور" سەر وە ناوچەی رەحمانیەی شوعلە لە بەغدای پایتەخت.
وەپەی قسەیل سەرچەوەگە ئەرا ئاژانس شەفەق نیوز، ناڕەزایەتیکەرەیل ئاگر لە تایەر ماشین لەبان ئەو ریەیلە سزاننڵ کە چن وەرەو شوین زیایچگەیل ئەرا پەکخستن وەرەونواچگن هێزە ئەمنییەیل و ئامێرەیل سەر وە ئەمینداریەتی بەغداد کە ئەرکدارە وە لاوردنی، و سان لە کادرەیل و کارمەندەیل وەشاننە.