زەخمداربۊن ئەفسەریگ لە تەقەکردن وەگەرد یەکیگیان.. دەسگیرکردن 5 بازرگان هوشبەرەیل وە تاوان ئاشکرا لە بەسرە

شەفەق نیوز - بەسرە

فەرماندەیی پولیس پارێزگای بەسرە، ئمڕوو سێشەممە، خەوەردا کە هیزیگ ئەمنی هاوبەش تۊنست پەنج توومەتبار وە بازرگانی مادە هوشبەرەیل دەسگیر بکەێد دۊای تەقەکردن وەگەرد یەکیگیان کە لە ئەنجامی ئەفسەریگ زەخمدار بۊ.

 فەرماندەییەگە لە بەیاننامەیگ دیاری کرد، کە هیزیگ ئەمنی هاوبەش لەناو کارەیل بەش پولیس سەفوان تۊنست بازرگانیگ مادەی هوشبەر دەسگیر بکەێد کە دۊای ئەوەگ تەقە لە یەکیگ لە مەفرەزەیل وەڕێوەبەرایەتی نەهیشتن مادە هوشبەرەیل لە بەسرە کردۊد مەوقەی ناخڵەدانی لەناو ماڵەگەی لە ناحیەی ئوم قەسر، کە بۊە مدوو زەخمداربۊن ئەفسەر فەرماندەی مەفرەزەگە.

 وەپای بەیاننامەگە، لە خود شەوەگە و دۊای وەدۊاچگن و چەودیاریکردن خوەی و چوار توومەتبار ترەک دەسگیر کریان و (150 گرام) لە مادە هوشبەرەیل و تەرازۊسیگ ئەلکترۆنی و دوو لویلەی کیشان وەگەرد بڕیگ پۊل و دراویگ دۆلار ساختە لەلاییان گریا، و چەک تاوانەگەیش بریا کریا، و دەسنشان ئەرا ئەوە کرد کە رێکارە یاساییەیل وەرانوەریان جیوەجی کریا، و ئەرا دادگا کل کریانە.