زەخمداربوین و زەرەدەیل مادی لە جەنگ هووزانە‌ی سەخت لە باشوور عراق
شەفەق نیوز - زیقار
سەرچەوەیگ ئەمنی ئمڕوو شەممە، راگەیان جەنگ هووزانە‌ی سەخت لە قەزای 1
چبایش لە باشوور شار ناسریە ناوەند پارێزگای زیقار دروسبوی، و بویە مدوو زەخمداربوین شمارەی کەسەیلیگ.
سەرچەوەگە وە ئاژانس شەفەق نیوز وت: "جەنگ هووزانە‌ی چەکداری لە سەعاتەیل دەیر وەخت شەو جومعە دروسبوی و تا شەوەکی ئمڕوو شەممە وەردەوام بوی لەناوەین هووز (رەواجح) و (حەدادیین) لە قەزای چبایش لە باشوور شار ناسریە".
سەرچەوەگە دیار کرد، "مەرافەگە وە مدوو گیچەڵەیل وەرین لەناوەین هەردوگ لایەن دروسبوی، و چەکەیل ناوڕاس لەناوی وەکار هاتیە"، و دیاریکرد کە بویە مدوو زەخمداربوین 3 کەس و سزیان یەکیگ لە میوانەخانەیل هووزانە، و دەزگایەیل ئەمنی ئمڕوو شەوەکی کۆنترۆڵ شوین مەرافە هووزانەگە کردن ".
دیاریکرد، "کەسەیل نادیار میوانخانەی شێخ عەبدولعالی شڵیبە لە ناحیەی فەزڵییە لە باشوور شار ناسریە وە مووشەک (ار بی جی 7) ئامانج گردن، و ئەرا شوینەیل نەدیار واین"، و دیاریکرد پەلامارەگە بویە مدوو زەرەدەیل مادی لە شوین میوانخانەگە.
