زیاتر لە ١٠٧ ملیار دینار تیەێدە ناو گەنجینەی دەوڵەت عراق لەداهاتەیل گومرگ وباج لەماوەی یەک مانگ
2020-09-02T08:12:36+00:00
شەفەق نیوز/ دەزگای مەرزە سنوریەگان راگەیان بڕ داهاتەگان لە ١٠ مەرز لە بنچینەی ٢١ مەرز سنوری ک لەوەر ریکارە مقەیەتیەگان ئەرا نواگردن پەتای کۆڕۆنا لە ١٠٧ ملیار دینار عراقی رەدکرد.
بەیاننامەیگ ئەرا دەزگاگە وت: ١٠٧،٢٦٩،٤١٨،٥٠٠ ملیار دینار عراقی وەدەسهاوردگە لە داهاتە گومرگی و باجەگان ئەرا گواستنەوەی بازرگانی لە مەرزە سنوریەگان ئەرا مانگ ئاب گوزەیشتە ئەرا ساڵ ٢٠٢٠ ، وەزیایبوینیگ رەسیە ١٠ ملیار دینار عراقی لە داهەتەگان مانگ تەمووز گوزەیشتە.
هەمیش راگەیان ئامار پێشێلکاریەگان ک لەلایەن دەزگاگە رەوانەکریا ئەرا مانگ ئاب ک رەسیە ٢٥ پێشێلکاری لە ژیر چەن ناونشایگ جوور (دەسکاری لە کیش، ئاڵشتکردن لە شیوەی چشتەگان، داوەزانن لە بڕەیل مووڵەت هاوردەگان، قاچاخکردن ماشینەیل خوار مودێل، دەسکاریکردن فایەلەیل گومرگی، و هەمیش پێشێلکارەیلیگ تر).
