زەریف رەسیە بەغداد
2020-07-19T11:23:10+00:00
شەفەق نیوز/ محمد جواد زەریف وەزیر درەوەی ئیران، شەوەکی ئمڕوو یەکشەممە، رەسیە بەغداد پایتەخت، لە سەردانیگ فەرمی ئەرا یەک رووژ.
زەریف لە سەردانەگەی چەوی کەفێدە وەرپرسە گەوراگان لە حکومەت عراق، بەرهەم ساڵح سەرۆک کۆمار، موستەفا کازمی سەرۆک وەزیران، محمد حەلبوسی سەرۆک ئەنجومەن نوێنەران، فالح فەیاز وەرپرس حەشد شەعبی، هادی عامری وەرپرس هاوپەیمان فەتح، عەمار حەکیم وەرپرس ره‌وت حیکمە.
وەگورەی زانیارەگان، زەریف سەردان هەرێم کوردستان کەێد، و لەورا چەوی کەفێدە وەرپرسە گەوراگان، مەسعود بارزانی سەرکردەی کورد و وەرپرس پارت دیموکرات کوردستان، ونێچیرڤان بارزانی سەرۆک هەرێم کوردستان، و مەسرور بارزانی سەرۆک حکومەت هەرێم کوردستان.
