کەرکوک و زیقار.. پیاویگ ئاگر لە ماڵەگەی دەێد و ژنیگ تەقە لە خویکەێد و دویەتیگ خوەیکوشێد
سەرچەوەیگ ئەمنی لە کەرکوک وە ئاژانس شەفەق نیوز خەوەردا "پیاویگ لەداڵگبوی 1978 وە مادەی نەفتەو ئاگر لە ماڵەگەی دایە، لەوەر گرفت وەرد ژنەگەیلە کویچەی ئاشوور "وتیش "تیمەیل وەرگیری شارستانی توەنستنە کۆنترۆل ئاگرەگە بکەن و ئەوەگ لە ماڵەگە مەنێبوی قورتاربکەن وەبی کەلەمەداربوین مرۆیی".
هەمیش لە کەرکوک، "ژنیگ دانشتگ قەسبەت بەشیر سەر وە ناحیەی تازە، مەوقەی دەسکاریکردن چەک کلاشینکۆف لە کەمەرەو زەخمدارخوەی کردیە"وتیش "ئەراچارەسەرکردن کلکریا ئەرا خەسخانەی کەرکوک و لێکۆڵینەوە لە رویداوەگە وازکریاس".
لە زیقار باشوور عراق، سەرچەوەیگ ئەمنی وە ئاژانس شەفەق نیوز وت، "دویەتیگ تەمەن 21 ساڵان خوەیکوشتیە لەری هەڵواسین خوەی وە پەت هەڵواسیایگ وە قەواسەی وتاقەگەی لەناوماڵیان لە قەزای سوکەر باکوور پارێزگاگە".
وتیش، "لێکۆڵینەوەیل چەسپاننە دویەتەگە بیماری دەروینی داشتیە، تەرمەگەی ئەرا پزیشک دادوەری کلکریاس ئەرا تەواوکردن رێکاریل یاسایی".
