کەرکوک.. کوشیان دویەتیگ لەئەنجام وردەوردەی خێزانی و مردن دوو کەس وە کوتەوبوین ماشینیان

شەفەق نیوز/ سەرچەوەیگ پزیشکی لە کەرکوک، ئمڕوو شەممە، خەوەردا لە کوشیان دویەتیگ لە قەزای داقوق باشوور ئارێزگاگە، لە ئانجام وردەوردەی خێزانی.

سەرچەوەگە وە ئاانس شەفەق نیوز وت "دویتیگ تەمەن نزیک 20 ساڵ، کە بیماری پەرکەم داشتیە گیان لەدەسداس  لە ئانجام رویوەروی بوین تونوتیژی لەناوڕاس قەزای داقوق" وتیش "لێکۆڵینەوەیل سەرەتایی دریخەن وردەوەدەیل خێزانی کوەنە بویەسە مدوو رویداوەگە".

وتیش"دەسڵاتدارەیل ئەمنی لێکۆڵینەوە وازکردنە، دویەتەگە لەوەخت کلکردنی ئەرا خەستەخانە گیان لەدەسدایە".

دیاریکرد "تەرمەگەی ئەرا پزیشک دادوەری کلکریاس تا رێکارەیل وشکنین پێویست بکرێد و وەشیوەی فەرمی مردنەگەی دەسنیشانبکرێد".

لە رویداو ترەک، سەرچەوەیگ لە پۆلیس کەرکوک، ئمڕوو یەکشەممە، خەوردا لە مردن دوو کەس لە رویداویگ هاتوچوی رخبەر لەبان ری کەرکوک ـ هەولێر لەناحیەی ئاڵتون کۆپری.

سەرچەوەیگ وە ئاژانس شەفەق نیوز وت "رویداویگ هاتوچوی لە نزیک ناوبڕ کلور رویدایە هەنای رانندەی ماشینیگ بەجەر لەدەس دەێد وبان ماشینەگەی وە مدوو تونی زیایگ، بودە هووکار لەری دەرچگنە ماشینەگە لەیەکەوداینی وەرد ستوین ئاسنینیگ لەبان ریەگە".

ئاشکرایکرد "تونی لەیەکەوداینەگە بویەسە مدوو دوو کوتەوبوین ماشینەگە لە ئەنجام رویداوەگە رانندەگە و ئەو سەرنینە وەردیان بوی گیان لەدەسدا".

دیاریکرد "مەفرەزەیل هاتوچوی لە شوین رویداوەگە ئامادەبوین رێکارەل یاسایی وەرگردن، و تەرمەیل قوربانیەیل ئەرا پزیشک دادوەری کەرکوک کلکردن".