کەرکوک.. زەخمداربۊن 3 سەرباز کە ئەفسەریگ هاناويان وە تەقیان بۆمبیگ دانرياگ لە داقووق
شەفەق نیوز- کەرکوک
سەرچەوەیگ ئەمنی، ئمڕوو سێشەممە، خەوەردا لە زەخمداربۊن سێ کارمەن لە سوپای عراقی، کە ئەفسەریگ لەناویانە، لە ئەنجام تەقیان بۆمبیگ دانریاگ لە ناوچەیگ کشتوکاڵی لەناو قەزای داقووق، باشوور پارێزگای کەرکوک.
سەرچەوەگە ئەرا ئاژانس شەفەق نیوز وت، کە "بۆمبیگ دانریاگ لە ناوچەیگ کشتوکاڵی لە نزیک دووڵ چای، لەناو کەرت باشوور خوەراوای کەرکوک، تەقیەو لە وەخت رەدبۊن هیزیگ لە سوپای عراقی، کە بۊە مدوو زەخمداربۊن سێ کارمەن، کە ئەفسەریگ هاناویان".
وتیش کە زەخمدارەیل بریان ئەرا یەکیگ لە خەسەخانەیل ئەرا وەرگردن چارەسەر، لە وەختیگ هیزەیل ئەمنی بازنە خستنە دەور شوین تەقیانەگە و دەسکردنە پرۆسەیل مینەکردن لە ناوچەی چواردەوری.
وتیش کە لێکۆڵینەوە ئەرا زانستن هۊردەکاریەیل رۊداوەگە و ئەو لایەنە کە لەپشت چنین بۆمبەگە واز کریا، وەگەرد دڵنیابۊن لە چووڵی ناوچەگە لە بۆمبەیل ترەک.
ناوچە کشتوکاڵی و دۊرەدەسەیل لە چواردەور قەزای داقووق پرۆسەیل ئەمنی وەخوەیان دوینن ئەرا وەدۊاکەفتن شانەیل ریخریاگ داعش و نواگیریکردن لە وەکارهاوردن سروشت ناوچەگە ئەرا جیوەجیکردن پەلامارەیل دژ وە هیزەیل ئەمنی.
