ری سنووری گرنگیگ لەناو عراق زەرەد دوینێد لەوەر بڕیگ فرە لە لافاو لەلای ئیرانەو (ڤیدیۆ)
2024-11-03T07:40:00+00:00
شەفەق نیوز/ وەڕێوەبەر ناحیەی قەزانیە لە پارێزگای دیالە مازن ئەلخزعەلی، ئمڕوو یەکشەممە، راگەیان رییگ سنووری لەوەر هاتن بڕە ئاو فرەیگ وەلایەن؟ئیرانەو زەرەد دیە.
خزعەلی وە ئاژانس شەفەق نیوز راگەیان، " لە چەن ساعەت وەرین لافاو وەلایەن سنوور ئیرانەو هات وە بڕ گەپیگ 7 دوول رەدکرد لەدیارترینیان حەران و حزام و مویلح و گەپترینان تەرسەق لەناوچەی دەوروگەرد ناحیەی قەزانییە و قەزای مەنەلی".
وتیش، "بارودۆخەگە تا ئیسە هاژیر کۆنترۆل، باوجی ئەو ریەی رەسێدە ناوەن قەزانیە و دەیان ئاوای سنووری زەرەد دیە لەوەر تونی لافاو" وتیش "ریەگە فرە گرنگە وەلایەنهێزە سنووریەیل و هاوڵاتیەیل ئاوایەیل سنووری وەکارتێد".
دیاریکرد "بارودۆخەگە هاژیر کۆنترۆل هویچ مەترسییگ وەبان هاوڵاتیەیل نییە".
