ريه‌يل سه‌ره‌كى له باشوور عراق بڕياو خوه‌ندكاره‌يل گله‌وخواردن ئه‌را ماڵه‌يليان
2019-11-24T08:54:27+00:00
شه‌فه‌ق نيوز/ سه‌رچه‌وه‌يگ له پاريزگاى به‌سره ئه‌وه ده‌رخست ك خوه‌ينيشانده‌ره‌يل تويڕه ريه‌يل سه‌ره‌كى له پاريزگاگه بڕينه‌و خوه‌ندكاره‌يليش گله‌وخواردنه ئه‌را ماڵه‌يليان له‌ئه‌نجام بڕين ئه‌و ريه‌يله.
ئه‌و سه‌رچه‌وه ئه‌را شه‌فه‌ق نيوز وت: خوه‌ينيشانده‌ره‌يل ريه‌يل وه‌ره‌و قه‌زاى زوبير و وه‌ره‌و ناوچه‌ى به‌رجه‌سيه و نه‌فتپاڵوو به‌سره و دوڕيان شوعێبه بڕينه و خوه‌ندكاره‌يليش ناچار بوينه گله‌و بخوه‌ن ئه‌را ماڵه‌يليان.
جى باسه، به‌غداى پايته‌خت و شماره‌يگ له پاريزگايه‌يل تر عراقى شيعه‌نشين هه‌ر له سه‌ره‌تاى مانگ ئوكتۆبه‌ر گوزه‌يشت ده‌سكردنه‌سه خوه‌ينيشانداين وه‌بوونه‌ى خراوى و نه‌وين خزمه‌تگوزارى و بيكارى و وسيان له‌دژ گه‌نده‌ڵى دارايى و ئدارى له دام و ده‌زگايه‌يل ده‌وڵه‌ت.
