رووژەیل گەرمیگ هالە ری عراقیەگان
شەفەق نیوز/ رەوانگەگاریگ کەشوهەوایی عراقی، ئمڕوو دووشەممە، پێشبینی کرد لە ئمڕووەو شەپۆل سەردیەگە تەواو بوود، ک پلەیل گەرمی وەرەو رەوش سرووشتییان چنەو.
عەلی جابر زیادی رەوانگەکارە کەشەوهەواییەگە ئەرا ئاژانس شەفەق نیوز وت: پێشبینەگان ئاماژە کرد شەپۆلە سەردەگە لە گشت وڵاتەگە رووژ دووشەممە تەواو بوود تا باێدەو ئەرا سرووشتی خوەی، وهەمیش مەزەنەس لە سوو سێشەممە پلەیل گەرمی لەەرووژەیل چوارشەممە و پەنجشەممەی ئایندە لە بان ئاستەیل خوەیان بەرزەو بوون، تا پلەیل گەرمیەگان لە رووژانە بوونە نزیک ٢٤ سەدی لە شارەیل فوڕات ناوڕاسین.
زیادی دیاری کرد ک رەوشیگ نائارامی لە رووژ پەنجشەممەی ئایندە دەسکەێدە پی و بوودە ورانەیل جووراجوریگ لە سەختی لە باکوور وڵاتەگە، و بەشەیلیگ تر لە ناوڕاس و باشوور وڵاتەگە دەرفەتەیلیان جووراجوورە، و وتیش؛ وەرجە شەپۆل واران هاتگ لە رووژ چوارشەممەی ئایندەو بوودە هەوای باشووری خوەرهەڵاتی تووز هەڵسنێد.
