روانگەیگ هووشداری دەێد لە کاریگەری ترشە واران وەبان بەروبومەیل کشاوەرزی و ئاژەڵەیل لە عراق
شەفەق نیوز/ روانگەی عراق سەوز، ئمڕوو چوارشەممە، هووشداریدا لە مەترسیەیل ترشە واران توەنێد کاریگەری وەبان بەروبومەیل کشاوەرزی و ئاژەڵەیل بیشتوود کە ئایەم خوەدێ، ئەگەر وەشیوەی راستەوخوەی واران وابانی بوارێد.
سەرچەوەگە ئمڕوو لە بەیاننامەیگ راگەیان، ترشەواران وارین کاریگەری وەبان زەوی کشاوەرزی دروسکەێد لەرێ مژینی وەلایەن سەوزە و میوەیل کشاوەرزی هاتێ لە مەوقەێ خواردنی زەرد وە ئایەم بڕەسنێد.
وەپای بەیاننامەگە، ئێ وارانە هەمیش کاریگەری وەبان گژوگیا دیرێد کە ئاژەڵەیل جویر پەس و مانگا و بزن خوەنێ و دویای لەمەوقەی خواردنی وەلایەن ئایەم بوودە هووکار مەترسی بیماری مەترسیدار لە ئایندە.
روانگەگە لە بەیاننامەگەی هووشداریدا کە وەزارەت ژینگە لە بەیاننامەگەی دویەکەی باس لەوەکردیە ئێ وارانە "مەترسی وەبان تەندروسی مرۆڤ نەیرێد، بڕیگ کاریگەری وەبان ژینگەی کشاوەرزی دیرێد" لەیرا کاریگەری ناراستەوخۆ بەدترە وەبان تەندروسی ئایەم.
