رمیان پیەڵیگ لە ناسریە وەرجە وازکردنی
![رمیان پیەڵیگ لە ناسریە وەرجە وازکردنی](https://media.shafaq.com/media/arcella/1682259564862.jpeg)
2023-04-23T14:19:40+00:00
شەفەق نیوز/ وەچەودیەیلیگ لە زیقار، ئمڕوو یەکشەممە، خەوەردان لە رمیان پیەڵیگ ئاسنین وەرجە وازکردنی، ک یە دوو مانگە تەواو بویە.
وەچەودیەیل ئەرا ئاژانس شەفەق نیوز وتن: پیەڵ (دوب)- پیەڵیگ ئاسنین لە شیوەی بەلەم لەبان ئاو کریاگە، ک حکومەت پارێزگاگە نزیک زانکۆی زیقار لەبان چەم فوڕات کریاگڵ، تا قەرەباڵغی هاتوچو مەوقەی دەوام فەرمی سووکەو بکەێد، رمیا و نقوم بوی.
وەچەودیەیل دیاری کردن ک پیەڵەکە وەرجە کەمتر لە دوو مانگ وەلایەن حکومەت دروس کریا، و وەرجە چوار رووژ ریەگەی قیلکردن تا دویای جەژن رەمەزان وازی بکەێد، وتیش؛ هەرچەن هیمان وازی نەکریاگە، چەن ماشینیگ لە رووژەیل جەژن ئەرا تاقیکردن وەبانی رەد بوی.