پەرلەمان عراق: بڕیاریگ حکومەتی ریگری لە دانیشتنەگەمان کرد
شەفەق نیوز/ ئەندام دەسەی قەیرانەگە لە پەرلەمان عراق، ک تایبەتە وە ڤایرۆس کۆرۆنا، ئمڕوو سێشەممە، ئاشکراکرد لە بریاریگ حکومەتی نوای دانیشتنەگان لە ئەنجومەنەگە گرد لە ماوەی گوزەیشتە.
عەباس علێوی ئەرا ئاژانس شەفەق نیوز وت: لە زاقترین هووکارەگان لە ئەنجام نەیان دانیشتنەگان پەرلەمان، خوەی ریگری خانەی قیران حکومەتیەگە بوی ئەرا هەر گردەوبوینیگ، وەتایبەت ک ژمارەی پەرلەمانتارەیل لە ٣٠٠ زیاترە، ومەترسی لە بڵاوبوین ڤایڕۆسەگە لەناویان هەس، وەتایبەت فرە لە تووشهاتنەگان لە پەرلەمانتارەیل و پارێزکارەیلیان و فەرمانبەرەیل پەرلەمان هەس.
لەباوەت ژمارەی تووشهاتگەیل لە بینای یاساسازی عراقی، علێوی وت؛ ژمارەی فەرمییگ نیە، وەلی تووشهاتنەگان فرەس.
وتیش؛ پەرلەمان عراق ئیسە هالە پشۆی یاسایی، ولەسەرەتای مانگ ئایندە پشۆەگە تەواوبوود و دانیشتنەگان تیەنەو، بەڵکم وەگورەی ریکارەیل تەندروسی و مقەیەتی سەختیگ.
