رزگارکردن دویەتیگ تواستیە لەبان پیەڵیگ لە بەغداد خوەی بخەێد
2023-10-01T12:52:11+00:00
شەفەق نیوز/ وەزارەت ناوخوەیی عراق، ئمڕوو یەکشەممە، رزگارکردن دویەتیگ راگەیان، کە تەقەلا داگە باز لە بان پیەڵ گرێعات لە بەغداد پایتەخت بکوتێد.
وزراتەگە لە بەیاننامەیگ رەسیە ئاژانس شەفەق نیوز وت: مەفرەزە و مەلەوانەیل پولیس ئاوی لە فەرماندەیی پولیس بەغداد، توەنستن دویەتیگ رزگار بکەن کە تەقەلای خوەیکوشتن داگە، و تواستیە خوەی لەبان پیەڵ گرێعات بخەێدە ناو چەمەگە.
وەزارەتەگە وتیش: مەفرەزەگە وەکوتپڕ کەفتە جویلە، و رزگاری کرد و دانەی دەس بنکەی پولیس ئەرا مقیەتیکردنی.
