رزگاربوبن خانمە ئەندامیگ ئەنجومەن پارێزگای زیقار و زەخمداری شویەگەی لە تەقینەوەیگ لە ناسریە

شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا لە رزگاربوین نەغەم ئیبراهیمی خانمە ئەندام ئەنجومەن پارێزگای زیقار، لە تەقیان بومبیگ لەناو ماشینەگەی ناوڕاس شار ناسریە.

سەرچەوەگە ئەرا ئاژانس شەفەق نیوز وت: بومبیگ دانریاگ تەقیە ناو ماشین نەغەم ئیبراهیمی خانمە ئەندام ئەنجومەن پارێزگای زیقار، لە ناوچەی ئیسکان سناعی ناوڕاس شار ناسریە.

دیاری کرد کە تەقینەوەگە بویە هوکار زەخمداری شویەگەی و ئەرا خەسەخانە بریا، و هیمان مدووەیل پەلامارەگە نادیارە.